Hujumchi Kodi Gakpo shanba kuni bo‘lib o‘tgan APL doirasidagi "Tottenxem"ga qarshi o‘yinda ("mersisaydliklar" 1:2 hisobida mag‘lub bo‘lgan) jarohat oldi.
Eindhovens Dagblad nashri xabariga ko‘ra, 24 yoshli futbolchi bir necha hafta maydonga tusha olmaydi. Gakpo oktyabr oyidagi uchrashuvlarda Niderlandiya terma jamoasiga yordam berishi kutilmayapti.
2023/2024 yilgi mavsumda Kodi Gakpo sakkizta o‘yin o‘tkazdi. Ularda niderlandiyalik futbolchi uchta gol urdi.
Oktyabrdagi xalqaro tanaffus oldidan "Liverpul" Yevropa ligasida Belgiya "Yunion" (5 oktyabr) va Premyer-ligada "Brayton" (8 oktyabr) bilan o‘ynaydi. Yurgen Klopp bu o‘yinlarda Gakpodan foydalana olmaydi.