Ҳужумчи Коди Гакпо шанба куни бўлиб ўтган АПЛ доирасидаги "Тоттенхэм"га қарши ўйинда ("мерсисайдликлар" 1:2 ҳисобида мағлуб бўлган) жароҳат олди.
Eindhovens Dagblad нашри хабарига кўра, 24 ёшли футболчи бир неча ҳафта майдонга туша олмайди. Гакпо октябрь ойидаги учрашувларда Нидерландия терма жамоасига ёрдам бериши кутилмаяпти.
2023/2024 йилги мавсумда Коди Гакпо саккизта ўйин ўтказди. Уларда нидерландиялик футболчи учта гол урди.
Октябрдаги халқаро танаффус олдидан "Ливерпуль" Европа лигасида Бельгия "Юнион" (5 октябрь) ва Премьер-лигада "Брайтон" (8 октябрь) билан ўйнайди. Юрген Клопп бу ўйинларда Гакподан фойдалана олмайди.
