Osiyo chemponlar ligasi «C» guruhidan olgan Eronning "Sepahon" va Saudiya Arabistonining "Al-Ittihod" klublari o‘rtasidagi o‘yin Toshkent vaqti bilan 21:00da boshlanishi kerak edi. Ammo g‘alati sabab tufayli uchrashuv bugun o‘tkazilmaydigan bo‘ldi.

Gap shundaki, "Naqshi Jahon" stadioni maydoniga chiqishda marhum Qosim Sulaymoniy byusti (haykali) o‘rnatilgani bois, mehmon jamoa futbolchilari o‘yinga chiqishdan bosh tortishdi. Sulaymoniy Saudiya Arabistonida terroristik tashkilot deb hisoblangan "Quds" kuchlarining qo‘mondoni bo‘lib, Saudiyaga qarshi harbiy operatsiyalarda ayblangan.

Eronliklar esa uning haykalini maydon chetidan olib tashlashni istashmadi. Olib borilgan muzokaralar naf bermagach, "Al-Ittihod" stadionni tark etib, aeroport tomon yo‘l oldi. Shu tariqa, o‘yin belgilangan vaqtda o‘tkazilmadi.

OFK so‘nggi bir necha yildan buyon Saudiya va Eron jamoalari o‘rtasidagi o‘yinlarni neytral maydonda o‘tkazib kelayotgandi. Joriy mavsumga kelib vaziyat mamlakatlar o‘rtasidagi siyosiy yumshagach, klublarga o‘z maydonlarida o‘yin o‘tkazishga ruxsat bergandi.