Осиё чемпонлар лигаси «C» гуруҳидан олган Эроннинг "Сепаҳон" ва Саудия Арабистонининг "Ал-Иттиҳод" клублари ўртасидаги ўйин Тошкент вақти билан 21:00да бошланиши керак эди. Аммо ғалати сабаб туфайли учрашув бугун ўтказилмайдиган бўлди.

Гап шундаки, "Нақши Жаҳон" стадиони майдонига чиқишда марҳум Қосим Сулаймоний бюсти (ҳайкали) ўрнатилгани боис, меҳмон жамоа футболчилари ўйинга чиқишдан бош тортишди. Сулаймоний Саудия Арабистонида террористик ташкилот деб ҳисобланган "Қудс" кучларининг қўмондони бўлиб, Саудияга қарши ҳарбий операцияларда айбланган.

Эронликлар эса унинг ҳайкалини майдон четидан олиб ташлашни исташмади. Олиб борилган музокаралар наф бермагач, "Ал-Иттиҳод" стадионни тарк этиб, аэропорт томон йўл олди. Шу тариқа, ўйин белгиланган вақтда ўтказилмади.

ОФК сўнгги бир неча йилдан буён Саудия ва Эрон жамоалари ўртасидаги ўйинларни нейтрал майдонда ўтказиб келаётганди. Жорий мавсумга келиб вазият мамлакатлар ўртасидаги сиёсий юмшагач, клубларга ўз майдонларида ўйин ўтказишга рухсат берганди.