3 oktyabr kuni "Union" (Berlin) Yevropa Chempionlar Ligasi guruh bosqichining 2-turida o‘z maydonida "Braga"ga 2:3 hisobida imkoniyatni boy berdi.
O‘yin boshlanishidan oldin Berlin klubi muxlislari markaziy tribunaga: "UYEFA stadioni me’yorlari: sizni sport qiziqtirmaydi, sizni faqat pul qiziqtiradi" degan yozuv tushirilgan bannerni osib qo‘yishdi.
E’tirozga sabab, "Union" o‘zining Chempionlar ligasi o‘yinlarini o‘zining reglamentga mos kelmaydigan "An der Alten Fyorsteray" stadionida emas, balki "Olimpiya" stadionida o‘tkazishi sabab bo‘ldi.
"Union" klub tarixida ilk bor Chempionlar ligasida ishtirok etmoqda. O‘tgan mavsumda klub Yevropa ligasida ishtirok etgan va u yerda uni Belgiyaning "Yunion" jamoasi 1/8 final bosqichida chiqarib yuborgan (3:6).
Ikki turdan so‘ng "Real", "Napoli" va "Braga" bilan bir guruhdan joy olgan Berlin klubi nol ochko bilan to‘rtinchi o‘rinda bormoqda.
Keyingi turda "Union" "Napoli"ga qarshi bahs olib boradi. Uchrashuv 24 oktyabr kuni bo‘lib o‘tadi.
