3 октябрь куни "Унион" (Берлин) Европа Чемпионлар Лигаси гуруҳ босқичининг 2-турида ўз майдонида "Брага"га 2:3 ҳисобида имкониятни бой берди.

Ўйин бошланишидан олдин Берлин клуби мухлислари марказий трибунага: "УЕФА стадиони меъёрлари: сизни спорт қизиқтирмайди, сизни фақат пул қизиқтиради" деган ёзув туширилган баннерни осиб қўйишди.

Эътирозга сабаб, "Унион" ўзининг Чемпионлар лигаси ўйинларини ўзининг регламентга мос келмайдиган "Ан дер Альтен Фёрстерай" стадионида эмас, балки "Олимпия" стадионида ўтказиши сабаб бўлди.

"Унион" клуб тарихида илк бор Чемпионлар лигасида иштирок этмоқда. Ўтган мавсумда клуб Европа лигасида иштирок этган ва у ерда уни Бельгиянинг "Юнион" жамоаси 1/8 финал босқичида чиқариб юборган (3:6).

Икки турдан сўнг "Реал", "Наполи" ва "Брага" билан бир гуруҳдан жой олган Берлин клуби ноль очко билан тўртинчи ўринда бормоқда.

Кейинги турда "Унион" "Наполи"га қарши баҳс олиб боради. Учрашув 24 октябрь куни бўлиб ўтади.