"Yuventus"ning sobiq himoyachisi Jorjo Kyellini Chempionlar ligasi doirasidagi "Napoli" - "Real" uchrashuvini boshqargan hakamlar brigadasini tanqid qildi. Eslatib o‘tamiz, o‘yin ispam jamoasining 3:2 hisobidagi g‘alabasi bilan yakunlangan edi.
“Himoyachi sifatida aytishim mumkinki, bu bema’ni qaror. Ko‘rinib turibdiki, Nacho to‘pga dastlab oyog‘i bilan tegdi, shundan keyingina qo‘liga tegdi. Futbol o‘ynashni boshlaganimdan beri himoya uslubi o‘zgardi. Endi biz shunchaki tan olishimiz kerakki, jarima maydonchasi ichida qo‘lning har qanday tegishi penaltiga olib kelishi mumkin", - deya Kyellinining so‘zlarini keltiradi Football italia.
