"Ювентус"нинг собиқ ҳимоячиси Жоржо Кьеллини Чемпионлар лигаси доирасидаги "Наполи" - "Реал" учрашувини бошқарган ҳакамлар бригадасини танқид қилди. Эслатиб ўтамиз, ўйин испам жамоасининг 3:2 ҳисобидаги ғалабаси билан якунланган эди.
“Ҳимоячи сифатида айтишим мумкинки, бу бемаъни қарор. Кўриниб турибдики, Начо тўпга дастлаб оёғи билан тегди, шундан кейингина қўлига тегди. Футбол ўйнашни бошлаганимдан бери ҳимоя услуби ўзгарди. Энди биз шунчаки тан олишимиз керакки, жарима майдончаси ичида қўлнинг ҳар қандай тегиши пенальтига олиб келиши мумкин", - дея Кьеллинининг сўзларини келтиради Football italia.