Kamerun futbol federasiyasi bosh kotibi lavozimini egallab turgan Blez Junan Rossiyaga qarshi bo‘lib o‘tadigan o‘rtoqlik uchrashuvi haqida gapirdi.
Funksionerning fikricha, Kamerun termasi eng kuchli tarkib bilan o‘ynaydi.
«Kamerun terma jamoasi Afrikaning eng kuchli jamoalaridan biri, shuning uchun Rossiya bilan o‘yinga eng yaxshi tarkib keladi. Yevropaning top-5 ligasi klublari vakillari ushbu o‘yinda qatnashadi», - dedi Junan.
Junanning qo‘shimcha qilishicha, Kamerun terma jamoasi Rossiya termasi ustidan g‘alaba qozonadi.
Eslatib o‘tamiz, Rossiya va Kamerun terma jamoalari o‘rtasidagi o‘rtoqlik uchrashuvi 12 oktyabr, payshanba kuni soat 21:00 da boshlanadi.
