«Manchester Yunayted» bosh murabbiyi Erik ten Xag jamoaning muammoli joyini ko‘rsatdi.
«Qizil iblislar» joriy mavsum boshidan beri o‘tkazilgan o‘nta o‘yinda oltinchi mag‘lubiyatni qabul qilib, kecha Chempionlar ligasi o‘yinida o‘z maydonida «Galatasaroy»ga imkoniyatni boy berishdi (2:3).
Ten Xag jamoasi allaqachon 18 ta gol o‘tkazib yuborgan - bu ularning so‘nggi 57 yildagi eng yomon shaxsiy rekordidir.
«Albatta, chap qanotda muammolarimiz bor, lekin biz buni birgalikda hal qilishimiz kerak. Qanday qiyinchiliklar bo‘lishidan qat’iy nazar, biz yaxshiroq ishlashga mas’ulmiz.
Kechagi o‘yinda qo‘pol xatolar ko‘p edi, - dedi Ten Xag.
