"Manchester Yunayted"ning sobiq futbolchisi Pol Skoulz "qizil iblislar"ning "Galatasaroy"ga qarshi o‘yini (2:3) haqida o‘z fikrlari bilan o‘rtoqlashdi.
"Amrabat o‘z pozisiyasidan tashqarida edi, shuning uchun ikkinchi gol oldidan bo‘lgan epizodda uni osonlikcha mag‘lub etishdi. Ammo men Varan qayerga harakat qilayotganini tushunmadim. Va nima uchun Lindelyof maydon markazida yo‘qolib qoldi? Kazemiro ham raqibiga yeta olmadi. O‘yin davomida Varan va Lindelyof jarima maydonchasi markazida juda ko‘p joy qoldirishdi - raqiblar bu maydonda doimiy ravishda xavfli vaziyatlarni yaratishdi.
Darvozabonga kelsak, hamma o‘z xatolarini biladi. Uchinchi gol kiritilishi bilanoq Onana juda oson taslim bo‘ldi: u shunchaki maydonga o‘tirdi, ammo u to‘pni ushlab olishga harakat qilishi mumkin edi.
Lekin menimcha, jamoaning eng katta muammosi himoyada. Varan dunyoning eng zo‘r himoyachilaridan biri edi va endi uning oyoqlari ishdan chiqayotganga o‘xshaydi, u juda sekinlashdi.
Chempionlar ligasidagi ilk uy uchrashuvida mag‘lub bo‘lish dahshatli natija, ayniqsa safardagi muvaffaqiyatsizlikdan keyin.
Ten Hag? Menimcha, u bosim ostida qolmasligi kerak. Erik birinchi mavsumni ajoyib o‘tkazdi, ammo jarohatlar, jumladan Meyson Maunt ham omadsiz chiqdi" - dedi Pol TNT Sports telekanalida.
Eslatib o‘tamiz, “Manchester Yunayted” Chempionlar ligasini ikkita mag‘lubiyat bilan boshladi.
