Usmon Dembele "PSJ"ga o‘tganidan keyin mavsumni yomon boshladi.
Kecha 26 yoshli vinger Chempionlar ligasi guruh bosqichi 2-turidan o‘rin olgan "Nyukasl" - "PSJ" (4:1) o‘yinini to‘liq o‘tkazdi, biroq samarali harakatlarini amalga oshira olmadi.
Ilgari Neymarga tegishli bo‘lgan "PSJ"dan 10-raqamni olgan Dembele transferdan keyin 8 uchrashuvda maydonda 600 daqiqa davomida bir marta ham gol ura olmadi. Unda bitta samarali uzatma bor - "PSJ"ning Liga 1 6-turi doirasidagi "Marsel"ga (4:0) qarshi o‘yindagi uchinchi gol uchun.
Eslatib o‘tamiz, o‘tgan yozda “PSJ” Dembeleni “Barselona”dan 50,4 million yevroga sotib olgandi.