Усмон Дембеле "ПСЖ"га ўтганидан кейин мавсумни ёмон бошлади.
Кеча 26 ёшли вингер Чемпионлар лигаси гуруҳ босқичи 2-туридан ўрин олган "Ньюкасл" - "ПСЖ" (4:1) ўйинини тўлиқ ўтказди, бироқ самарали ҳаракатларини амалга ошира олмади.
Илгари Неймарга тегишли бўлган "ПСЖ"дан 10-рақамни олган Дембеле трансфердан кейин 8 учрашувда майдонда 600 дақиқа давомида бир марта ҳам гол ура олмади. Унда битта самарали узатма бор - "ПСЖ"нинг Лига 1 6-тури доирасидаги "Марсель"га (4:0) қарши ўйиндаги учинчи гол учун.
Эслатиб ўтамиз, ўтган ёзда “ПСЖ” Дембелени “Барселона”дан 50,4 миллион еврога сотиб олганди.