Turinning "Yuventus" klubi hujumchisi Federiko Kyeza faoliyati davomidagi eng yaxshi formada ekanligini aytdi. Italiya A seriyasining dastlabki 7 turida futbolchi to‘rtta gol urdi.
“Hozir o‘zimni yaxshi his qilyapman, hatto juda yaxshi. Jarohatdan tiklanish jarayoni allaqachon ortda qoldi. Men endi "tiklanish" so‘zini eshitishni xohlamayman. Hozir ham jismonan, ham ruhiy jihatdan eng yaxshi formadaman", - deya Kyezadan iqtibos keltiradi Tuttosport.
E’tibor bering, butun oldingi mavsum davomida Kyeza A Seriyada bor-yo‘g‘i ikkita gol urgan edi.
