«Vest Xem» hujumchisi Jarrod Bouen klubini o‘zgartirishi mumkin.
TalkSport xabariga ko‘ra, 26 yoshli futbolchi va «bolg‘achilar» o‘rtasida yangi shartnoma bo‘yicha muzokaralarda muayyan qiyinchiliklar mavjud.
«Liverpul» va «Nyukasl» klublari vaziyatni kuzatib borishmoqda. Har ikki jamoa ham Bouenni kelgusi transfer oynalarida qo‘lga kiritishga qarshi emas.
Futbolchining «Vest Xem» bilan amaldagi shartnomasi 2025 yilning yoziga qadar tuzilgan. Transfermarkt portali ekspertlari Bouenning narxini 38 million yevroga baholamoqda.
Joriy mavsumda Bouen Angliya Premyer-ligasining 7 ta uchrashuvida maydonga tushib, 5ta gol urdi va bitta golli uzatmani amalga oshirdi.