"Arsenal" vingeri Bukayo Saka "Manchester Siti"ga qarshi bo‘lib o‘tadigan o‘yinda asosiy tarkibda maydonga tushishi kutilmoqda.
22 yoshli futbolchi yaqinda Chempionlar ligasi doirasida "Lans"ga qarshi o‘yinda jarohat olgan edi, shu sababli u 34-daqiqada almashtirildi. Angliyalik futbolchining "Manchester Siti" bilan Premyer-liganing asosiy uchrashuvida ishtirok etishi shubha ostida qoldi, biroq yaqinda bosh murabbiy Mikel Arteta hujum yetakchisi "shaharliklar"ga qarshi o‘ynashga tayyorligini e’lon qildi.
Yakshanba kuni "Arsenal" va "Manchester Siti" o‘rtasidagi uchrashuv bo‘lib o‘tadi. Uning boshlanishi Toshkent vaqti bilan 20:30 ga belgilangan.