"Арсенал" вингери Букайо Сака "Манчестер Сити"га қарши бўлиб ўтадиган ўйинда асосий таркибда майдонга тушиши кутилмоқда.
22 ёшли футболчи яқинда Чемпионлар лигаси доирасида "Ланс"га қарши ўйинда жароҳат олган эди, шу сабабли у 34-дақиқада алмаштирилди. Англиялик футболчининг "Манчестер Сити" билан Премьер-лиганинг асосий учрашувида иштирок этиши шубҳа остида қолди, бироқ яқинда бош мураббий Микель Артета ҳужум етакчиси "шаҳарликлар"га қарши ўйнашга тайёрлигини эълон қилди.
Якшанба куни "Арсенал" ва "Манчестер Сити" ўртасидаги учрашув бўлиб ўтади. Унинг бошланиши Тошкент вақти билан 20:30 га белгиланган.