«Serkl Bryugge» futbolchisi Kilian Azar shu yilning iyul oyidan erkin agent maqomida bo‘lgan akasi, «Chelsi» va «Real»ning sobiq hujumchisi Eden Azarning faoliyati haqidagi fikrlari bilan o‘rtoqlashdi.
Kilian Azarning so‘zlariga ko‘ra, hozir 32 yoshli futbolchi shunchaki hayotdan zavq olmoqda va hozircha biror klub bilan shartnoma imzolashni rejalashtirmayapti.
«Uning karyerasi tugadimi, bilmayman. Agar u yakuniy qarorga kelsa, bu haqda o‘zi gapiradi. Biz u bilan doimo muloqotda bo‘lib turamiz va men akamning har kuni nima qilishini bilaman - u shunchaki hayotdan zavqlanadi», - deya Kilian Azardan iqtibos keltiradi Mundo Deportivo.
