«Серкль Брюгге» футболчиси Килиан Азар шу йилнинг июль ойидан эркин агент мақомида бўлган акаси, «Челси» ва «Реал»нинг собиқ ҳужумчиси Эден Азарнинг фаолияти ҳақидаги фикрлари билан ўртоқлашди.
Килиан Азарнинг сўзларига кўра, ҳозир 32 ёшли футболчи шунчаки ҳаётдан завқ олмоқда ва ҳозирча бирор клуб билан шартнома имзолашни режалаштирмаяпти.
«Унинг карьераси тугадими, билмайман. Агар у якуний қарорга келса, бу ҳақда ўзи гапиради. Биз у билан доимо мулоқотда бўлиб турамиз ва мен акамнинг ҳар куни нима қилишини биламан - у шунчаки ҳаётдан завқланади», - дея Килиан Азардан иқтибос келтиради Mundo Deportivo.
