Angliya chempionatining sakkizinchi turida “Liverpul” “Brayton” mehmoni bo‘ldi– o‘yin durang bilan yakunlandi, 2:2. "Liverpul" sardori, niderlandiyalik himoyachi Virjil van Deyk o‘yindagi bu natijadan hafsalasi pir bo‘lganini jurnalistlardan yashirmadi. Unga ko‘ra "Liverpul" g‘alaba qozonish uchun kelgan.

"Biz bu yerga g‘alaba qozonish uchun kelganmiz. Bizda g‘alaba qozonish uchun imkoniyatlar bo‘ldi, lekin faqat durangga erishdik. "Bu qiyin o‘yin bo‘ldi", - dedi niderlandiyalik futbolchi.

Keyingi turda “Liverpul”ni asosiy raqib – “Everton” kutib turibdi. U bilan o‘yin 21 oktyabr kuni bo‘lib o‘tadi.