FA Angliya o‘yinlarida Isroil bayrog‘ini ko‘rsatishni muhokama qilmoqda.
Daily Mail nashri xabariga ko‘ra, Angliya futbol assosiasiyasi 7 oktyabr kuni ertalab Xamas hujumi munosabati bilan milliy terma jamoaning oktyabr oyidagi o‘yinlari vaqtida "Uembli" stadionini Isroil bayrog‘i ranglarida yoritish zarurligini shubha ostiga qo‘ymoqda.
Ta’kidlanishicha, tashkilot ichidagi ba’zi yuqori martabali amaldorlar mojaro taraflaridan birini qo‘llab-quvvatlasa, salbiy reaksiya bo‘lishi mumkinligidan qo‘rqishadi. Avvalroq, rasmiylarning ko‘rsatmalariga muvofiq, Isroil bayrog‘i London meriyasi binosi va Buyuk Britaniya bosh vazirining qarorgohiga proyeksiya qilingan.
Xabar qilinishicha, FA "Uembli"da Avstraliya va Italiyaga qarshi o‘yinlarda Isroil bayrog‘ini ko‘rsatish masalasini muhokama qiladi. Assosiasiya bu borada UYEFA bilan ham maslahatlashish niyatida.
Shu bilan bir qatorda, mojaroning har ikki tomonida qurbon bo‘lganlarni sharaflash uchun bir daqiqalik sukut saqlash mumkin.
Ilgari "Uembli" arkasi muntazam ravishda turli mamlakatlar va tashkilotlar bayroqlari ranglari bilan yoritib turilgan.
