FA Англия ўйинларида Исроил байроғини кўрсатишни муҳокама қилмоқда.
Daily Mail нашри хабарига кўра, Англия футбол ассоциацияси 7 октябрь куни эрталаб Хамас ҳужуми муносабати билан миллий терма жамоанинг октябрь ойидаги ўйинлари вақтида "Уэмбли" стадионини Исроил байроғи рангларида ёритиш зарурлигини шубҳа остига қўймоқда.
Таъкидланишича, ташкилот ичидаги баъзи юқори мартабали амалдорлар можаро тарафларидан бирини қўллаб-қувватласа, салбий реакция бўлиши мумкинлигидан қўрқишади. Аввалроқ, расмийларнинг кўрсатмаларига мувофиқ, Исроил байроғи Лондон мэрияси биноси ва Буюк Британия бош вазирининг қароргоҳига проекция қилинган.
Хабар қилинишича, FA "Уэмбли"да Австралия ва Италияга қарши ўйинларда Исроил байроғини кўрсатиш масаласини муҳокама қилади. Ассоциация бу борада УЕФА билан ҳам маслаҳатлашиш ниятида.
Шу билан бир қаторда, можаронинг ҳар икки томонида қурбон бўлганларни шарафлаш учун бир дақиқалик сукут сақлаш мумкин.
Илгари "Уэмбли" аркаси мунтазам равишда турли мамлакатлар ва ташкилотлар байроқлари ранглари билан ёритиб турилган.
