Madridning “Real” klubi boshqaruvi tarkibiga kiruvchi funksioner Xose Manuel Otero angliyalik yarim himoyachi Jud Bellingemning transferi haqida gapirdi.
Goal.com portali "Los-Blankos" vakilining so‘zlariga tayanib xabar berishicha, "Manchester Siti" futbolchini o‘z safida ko‘rmoqchi bo‘lgan. "Shaharliklar" vakillari Judning otasi bilan muzokara olib borishdi, ammo futbolchi "Real"da o‘ynashni istayotganini aniq aytdi.
Bellingem o‘tgan yozda qirollik klubiga 103 million yevro evaziga o‘tgan edi. Tomonlar 2029 yilning yoziga qadar uzoq muddatli mehnat shartnomasini tuzdilar. Joriy mavsumda Jud "Real Madrid" safida o‘nta o‘yinda o‘nta gol urdi.