Ispaniya yoshlar terma jamoasi bosh murabbiyi Santi Denia va futbolchi Alehandro Franses O‘zbekistonga qarshi uchrashuv oldidan matbuot anjumanida ishtirok etdi.
«Avvalo taklif uchun tashakkur bildirmoqchiman, ushbu bahs keskin kurashlarga boy bo‘ladi, deb o‘ylayman. Bosh murabbiyingiz Timur Kapadzeni Osiyo o‘yinlaridagi ajoyib ishtirok bilan tabriklayman.
O‘zbekistonning o‘yinlarini kuzatib shunga amin bo‘ldikki, jamoa juda kuchli. Bizni qiyin sinov kutib turibdi.
Bu biz uchun Qozog‘istonga qarshi uchrashuv oldidan juda muhim o‘yin bo‘ladi. Shu boisdan ushbu bahs tashkil etildi», – dedi murabbiy.
