Kataloniyaning "Barselona" klubi sardori Serxi Roberto bu mavsum uning "ko‘k-anorranglilar" libosidagi oxirgisi bo‘lishini tushunadi. Jurnalist Gabriel Sans bergan ma’lumotlarga ko‘ra, futbolchining shartnomasi uzaytirilmasligi barcha tomonlarga ayon.
Robertoning "Barselona" bilan shartnomasi joriy mavsum oxirida yakuniga yetadi. O‘tgan mavsumda Serxi bilan shartnoma uzaytirilgandi, ammo tomonlar futbolchining 2024 yilning yozida erkin agent sifatida ketishini tushunishgan edi.
Eslatib o‘tamiz, Serxio Buskets ketganidan so‘ng aynan Roberto "Barselona"ning yangi sardoriga aylandi. Joriy mavsumda Serxi Ispaniya chempionatida 4ta o‘yin o‘tkazib, bitta gol urdi.
