Milanning “Inter” klubi bosh direktori Juzeppe Marotta shartnomasi 2026 yilning yozida tugaydigan hujumchi Lautaro Martines bilan tuzilgan shartnoma borasidagi vaziyat haqida gapirdi.

"Lautaro bilan yangi shartnomami? Biz tomondan unga sarmoya kiritish istagi katta, chunki Martines “Inter”ning buguni va kelajagini ifodalaydi. Biz jamoaning boshqa o‘yinchilariga hurmatni saqlagan holda murosaga erishish uchun qo‘limizdan kelganini qilishga harakat qilamiz", - dedi Marotta.

Joriy mavsumda Lautaro Italiya chempionatida 10 ta gol urdi va 2 ta golli uzatmani amalga oshirdi.