Миланнинг “Интер” клуби бош директори Жузеппе Маротта шартномаси 2026 йилнинг ёзида тугайдиган ҳужумчи Лаутаро Мартинес билан тузилган шартнома борасидаги вазият ҳақида гапирди.
"Лаутаро билан янги шартномами? Биз томондан унга сармоя киритиш истаги катта, чунки Мартинес “Интер”нинг бугуни ва келажагини ифодалайди. Биз жамоанинг бошқа ўйинчиларига ҳурматни сақлаган ҳолда муросага эришиш учун қўлимиздан келганини қилишга ҳаракат қиламиз", - деди Маротта.
Жорий мавсумда Лаутаро Италия чемпионатида 10 та гол урди ва 2 та голли узатмани амалга оширди.
