«An-Nasr» ijrochi direktori Filipp Kessler Sadio Manening transferi haqida gapirdi.
«Keling, Saudiya klubiga o‘tishga qaror qilgan futbolchilar nuqtayi nazaridan qaraylik. Yevropada ko‘pchilik Saudiya Arabistoniga borishning yagona sababi pul ekanligini aytadi. Siz bunga qo‘shilasizmi?
«Yaxshi bilmagan narsangizni tanqid qilish juda oson. Gap shundaki, pul muhim. Yaxshi yashash uchun hamma pulga muhtoj. Futbolchilarda Saudiya Arabistoniga borish imkoniyati bo‘lsa, nega buni o‘ylab ko‘rmaslik kerak?
Saudiya ligasi yaqinda qo‘shilgan futbolchilar tufayli sifat jihatidan katta sakrashga erishdi. Ammo bundan oldin ham bu kuchli liga edi. Saudiya Arabistonining yaxshi jamoalari har doim bo‘lgan», – dedi Filipp Kessler.
