"Yuventus" yarim himoyachisi Nikolo Fajioli yaqin kelajakda noqonuniy qimor o‘ynagani uchun jazolanadi. La Gazzetta dello Sport o‘z sahifalarida xabar berishicha, Fajiolining strategiyasi tergov bilan faol hamkorlik qilishdir. 22 yoshli futbolchi yengilroq jazo kutmoqda.
Fajioli 5 yilga diskvalifikasiya qilinmasligi aniq, chunki u "Yuventus" o‘yinlariga pul tikmagan. Futbolchini uch yillik diskvalifikasiya kutmoqda va Nikoloning tergov bilan hamkorligi tufayli jazo 50 foizga kamayishi mumkin.