Fransiya terma jamoasining sobiq futbolchisi Marsel Desayining fikricha, yulduz Kilian Mbappe «Manchester Siti»ga mos kelmaydi.
«Bu g‘alati tuyuladi, ammo Mbappe «Manchester Siti»ga mos kelmaydi deb o‘ylayman. U yerda haddan tashqari tartib-intizom bor. Fransiyada biz aytamizki, «Siti»ning o‘yin uslubi individuallarga ko‘p joy qoldirmaydi. Himoyachilar bilan qayta-qayta to‘qnash kelishni xohlaydigan o‘yinchilar uchun bu unchalik mos emas.
Bernardu Silva va Grilish 10-raqamli bo‘lishi mumkin, ammo Gvardiolaning falsafasi ulardagi bu pozisiyani o‘ldirdi. Mbappe - top futbolchi, lekin «Manchester Siti» uchun emas», - dedi Dasayi.
