"Barselona" Nacho Fernandesning diskvalifikasiyasini qisqartirilishiga munosabat bildirdi.
Eslatib o‘tamiz, "Real" himoyachini 3 ta o‘yinga diskvalifikasiya qilish qarori ustidan apellyasiya bergan, apellyasiya qo‘mitasi esa Madrid klubining iltimosini qanoatlantirgan – ispaniyalik futbolchining diskvalifikasiyasi 2 o‘yinga qisqartirilgandi. Shu tariqa, Nacho "Barselona"ga qarshi o‘yinda ishtirok etishi mumkin bo‘ladi.
AS nashri xabariga ko‘ra, "Barselona" bu qarorni xotirjam qabul qilgan.
"Bunday vaziyatlar endi ajablanarli emas", - dedi Kataloniya klubi matbuot kotibi.
La Liganing 11-turidan o‘rin olgan "Barselona" - "Real" uchrashuvi 28 noyabr kuni bo‘lib o‘tadi.
