"Барселона" Начо Фернандеснинг дисквалификациясини қисқартирилишига муносабат билдирди.
Эслатиб ўтамиз, "Реал" ҳимоячини 3 та ўйинга дисквалификация қилиш қарори устидан апелляция берган, апелляция қўмитаси эса Мадрид клубининг илтимосини қаноатлантирган – испаниялик футболчининг дисквалификацияси 2 ўйинга қисқартирилганди. Шу тариқа, Начо "Барселона"га қарши ўйинда иштирок этиши мумкин бўлади.
AS нашри хабарига кўра, "Барселона" бу қарорни хотиржам қабул қилган.
"Бундай вазиятлар энди ажабланарли эмас", - деди Каталония клуби матбуот котиби.
Ла Лиганинг 11-туридан ўрин олган "Барселона" - "Реал" учрашуви 28 октябрь куни бўлиб ўтади.
