Himoyachi Viktor Lindelyofning “Manchester Yunayted” bilan amaldagi shartnomasi 2023/2024 yilgi mavsum oxirigacha amal qiladi. Shvesiyalik futbolchi kelajagi haqida gapirdi.
"Shartnomamni yana bir yilga uzaytirish imkoniyatim bor. Ushbu variantni amalga oshirish uchun oxirgi muddat mavjud. Muddati qachon tugaydi, bilmayman. Ammo uning faollashishi ehtimoli katta.
Albatta, men qolishni xohlayman, menga "Manchester Yunayted" yoqadi, u yerda men allaqachon yettinchi mavsumdaman. Men o‘zimni yaxshi his qilyapman, oilam ham. Men bu klub vakili bo‘lganimdan xursandman" - dedi Lindelyof jurnalistlarga.
“Manchester Yunayted” navbatdagi o‘yinini 21 oktyabr kuni “Sheffild Yunayted”ga qarshi o‘tkazadi.
