Mish-mishlarga ko‘ra, "Liverpul" Leroy Saneni kelasi yozda jamoani tark etishi mumkin bo‘lgan Muhammad Salohning o‘rniga o‘rinbosar sifatida ko‘rmoqda. Jurnalist Kerri Xouning so‘zlariga ko‘ra, germaniyalik futbolchi bor e’tiborini “Bavariya”ga qaratgan va hech qayerga o‘tishni istamayapti.

Ma’lumki, myunxenliklar rahbariyati Saneni ketmasligi uchun uning shartnomasini uzaytirishni rejalashtirmoqda. 27 yoshli futbolchining amaldagi shartnomasi 2025 yilgacha mo‘ljallangan.

Transfermarkt portali Leroy Sanening narxini 65 million yevroga baholamoqda. Ushbu mavsumda vinger 11 uchrashuvda 7 ta gol urdi.