Миш-мишларга кўра, "Ливерпуль" Лерой Санени келаси ёзда жамоани тарк этиши мумкин бўлган Муҳаммад Салоҳнинг ўрнига ўринбосар сифатида кўрмоқда. Журналист Керри Хоунинг сўзларига кўра, германиялик футболчи бор эътиборини “Бавария”га қаратган ва ҳеч қаерга ўтишни истамаяпти.
Маълумки, мюнхенликлар раҳбарияти Санени кетмаслиги учун унинг шартномасини узайтиришни режалаштирмоқда. 27 ёшли футболчининг амалдаги шартномаси 2025 йилгача мўлжалланган.
Transfermarkt портали Лерой Саненинг нархини 65 миллион еврога баҳоламоқда. Ушбу мавсумда вингер 11 учрашувда 7 та гол урди.
