«Feyenoord» hujumchisi Santyago Ximenes ko‘p gol uradi, shuning uchun u Yevropaning ko‘plab top-klublarining qiziqish markazida bo‘lib turibdi.
Meksikalik futbolchidan qaysi forvardga qiziqishini so‘rashgan.
«Men o‘zimni hech kim bilan solishtirmaslikka harakat qilaman, chunki biz hammamiz noyobmiz. Lekin menga Radamel Falkao juda yoqadi», - deya Ximenesning so‘zlarini keltiradi La Opinion.
Falkao hozirda «Rayo Valyekano» sharafini himoya qilmoqda. Bungacha kolumbiyalik futbolchi «Portu», «Atletiko», «Manchester Yunayted» va boshqa klublarda to‘p tepgan.
Santyago Ximenes 22 yosh, nufuzli Transfermarkt portali mutaxassislari futbolchini 40 million yevroga baholamoqda.
