«Фейеноорд» ҳужумчиси Сантьяго Хименес кўп гол уради, шунинг учун у Европанинг кўплаб топ-клубларининг қизиқиш марказида бўлиб турибди.

Мексикалик футболчидан қайси форвардга қизиқишини сўрашган.

«Мен ўзимни ҳеч ким билан солиштирмасликка ҳаракат қиламан, чунки биз ҳаммамиз ноёбмиз. Лекин менга Радамель Фалкао жуда ёқади», - дея Хименеснинг сўзларини келтиради La Opinion.

Фалькао ҳозирда «Райо Вальекано» шарафини ҳимоя қилмоқда. Бунгача колумбиялик футболчи «Порту», «Атлетико», «Манчестер Юнайтед» ва бошқа клубларда тўп тепган.

Сантьяго Хименес 22 ёш, нуфузли Transfermarkt портали мутахассислари футболчини 40 миллион еврога баҳоламоқда.