“Liverpul” himoyachisi Endryu Robertson yelkasidan olgan jarohati tufayli bir necha oy maydonga tusha olmasligi mumkin.
Shotlandiyalik futbolchi 2024 yilgi Yevropa chempionati saralashi doirasida Ispaniyaga qarshi o‘yinda (0:2) jarohat olib, maydonni erta tark etgandi.
The Times nashri xabariga ko‘ra, 29 yoshli futbolchi tibbiy ko‘rikdan o‘tgan va natijalari tez orada ma’lum bo‘ladi, bu esa Robertsonga jarrohlik amaliyotini talab qiladimi yoki yo‘qligini aniqlab beradi. Qayd etilishicha, agar operasiya talab qilinsa, "Liverpul" kamida uch oyga futbolchisini yo‘qotadi. Manbaning qayd etishicha, tiklanish to‘rt oygacha davom etishi mumkin.
Joriy mavsumda Robertson Angliya Premyer-ligasining sakkizta uchrashuvida ishtirok etdi va bitta gol urdi.
