“Ливерпуль” ҳимоячиси Эндрю Робертсон елкасидан олган жароҳати туфайли бир неча ой майдонга туша олмаслиги мумкин.

Шотландиялик футболчи 2024 йилги Европа чемпионати саралаши доирасида Испанияга қарши ўйинда (0:2) жароҳат олиб, майдонни эрта тарк этганди.

The Times нашри хабарига кўра, 29 ёшли футболчи тиббий кўрикдан ўтган ва натижалари тез орада маълум бўлади, бу эса Робертсонга жарроҳлик амалиётини талаб қиладими ёки йўқлигини аниқлаб беради. Қайд этилишича, агар операция талаб қилинса, "Ливерпуль" камида уч ойга футболчисини йўқотади. Манбанинг қайд этишича, тикланиш тўрт ойгача давом этиши мумкин.

Жорий мавсумда Робертсон Англия Премьер-лигасининг саккизта учрашувида иштирок этди ва битта гол урди.