Huquqlari Fransiyaning «PSJ» klubiga tegishli bo‘lgan koreyalik yarim himoyachi Li Kan In Ispaniya chempionatiga o‘tishi mumkin.
Bu haqda Fichajes jurnalistlari xabar bermoqda.
Manbaga ko‘ra, futbolchiga «Real Sosyedad» klubi qiziqmoqda. Ispanlar koreyalik futbolchi yaqinda parijliklar bilan 2028 yilgacha uzoq muddatli mehnat shartnomasi tuzganiga qaramay uni sotib olmoqchi.
Ispaniya chempionatining joriy mavsumida «Real Sosyedad» 9 ta o‘yin o‘tkazib, 15 ochko jamg‘ardi. Jamoa turnir jadvalida oltinchi o‘rinni egallab turibdi.
