Marko Sportiyello jarohati sabab "Yuventus"ga qarshi o‘ynamaydi.
Sky Sport xabariga ko‘ra, milanlik darvozabonning boldir mushaklari shikastlangan. Sportiyello kamida 10 kunni maydondan tashqarida o‘tkazib yuboradi va shu yakshanba kuni A Seriyaning "Yuventus"ga qarshi o‘yinida ishtirok eta olmaydi.
"Milan"ning asosiy darvozaboni Mayk Menyan "Jenoa"ga (1:0) qarshi o‘yinda qizil kartochka olib, diskvalifikasiya tufayli o‘yinni o‘tkazib yuboradigan bo‘lsa, 40 yoshli Antonio Mirante "Yuventus"ga qarshi maydonga tushadi.
Eslatib o‘tamiz, Mirante oxirgi marta 2021-yilning may oyida “Roma” futbolchisi sifatida asosiy tarkibda o‘yinni boshlagan edi – o‘shanda darvozabon “Manchester Yunayted”ga qarshi Yevropa ligasi yarim final uchrashuvida maydonga tushgandi.
