"Manchester Yunayted" bosh murabbiyi Erik ten Xag darvozabon Andre Onananing o‘yini haqida fikr bildirdi.
“U ham, biz ham bilamizki, u ancha yaxshi o‘ynay boshlaydi. Premyer-ligaga o‘tadigan har qanday o‘yinchi singari, unga integrasiyalashuv uchun vaqt kerak. Ammo u o‘zini isbotlashi kerak. "Manchester Yunayted"ning Peter Shmeyxel va David De Xea kabi muhim darvozabonlari ham o‘yinni unchalik yaxshi boshlashmagandi. Andre bu haqda, ozgina tarixni bilsa yaxshi bo‘lardi. Ammo biz hozir kelajakka qaraymiz. U o‘z kelajagini yaxshiroq o‘yinlar o‘tkazish orqali yaratishi kerak. Ishonchim komilki, u buni amalga oshiradi. U buni katta klublarda ko‘p marta ko‘rsatgan - yoshligida "Barselona"da, "Ayaks"da, "Inter"da. Onana Chempionlar ligasining yarim final va finalida o‘ynagan, u ajoyib futbolchi. Ishonchim komilki, u yaxshi o‘yin ko‘rsatadi va biz uning harakatlaridan juda xursand bo‘lamiz", - dedi Ten Xag Manchester Evening News bilan suhbatda.
27 yoshli kamerunlik posbon 2023 yilning iyulida "Manchester Yunayted"ga o‘tgan edi. Joriy mavsumda u "qizil iblislar" safida 11 ta o‘yinda maydonga tushib, 19 ta gol o‘tkazib yubordi va 3 marta darvozani daxlsiz qoldirdi.
