"Inter" hujumchisi Lautaro Martines A Seriyaning joriy mavsumida juda sermahsul o‘yin namoyish etmoqda.
Argentinalik hujumchi 9-tur doirasidagi "Torino" jamoasiga qarshi o‘yinda raqib darvozasini ishg‘ol qilib, hisobni 2:0 bo‘lishini ta’minladi. 26 yoshli futbolchi Italiya chempionatining joriy mavsumida 11 ta gol urgan - bu uning eng yaqin ta’qibchisi, "Napoli" hujumchisi Viktor Osimxendan beshta gol ko‘p. Yevropaning kuchli beshlik chempionatlarida to‘p surayotgan barcha futbolchilar orasida faqat Seru Girassi ko‘proq gol urgan – "Shtutgart" hujumchisi Bundesligada 14 ta gol urgan.
Bugun g‘alaba qozongan taqdirda "Inter" yana birinchi o‘ringa ko‘tarilib oladi, ammo bir ochko ortda borayotgan "Milan" ushbu turdagi o‘z uchrashuvini ertaga o‘tkazadi.
