Ibrohimxalil Yo‘ldoshev "Nijniy Novgorod" jamoasining "Spartak"ka qarshi o‘yin qaydnomasiga ham kiritilmagan.
Ma’lumotlarga ko‘ra, futbolchimiz shamollash va grippdan da’volanib, kechagina jamoasi ixtiyoriga yetib borgan. Shu sababdan, Yo‘ldoshevni Moskvadagi o‘yinga olib ketmaslikka qaror qilingan.
Nima bo‘lgan taqdirda ham, futbolchimizning bosh murabbiy Yuran bilan munosabatlari havas qiladigan darajada emas va Yo‘ldoshev qishki transfer oynasi ochilishi bilan "Nijniy Novgorod"ni tark etadi.