Joze Mourinyo faoliyatini Saudiya Arabistoni chempionatida davom ettirishga qiziqmoqda.
Manbaga ko‘ra, portugaliyalik mutaxassisda Yaqin Sharqda ishga joylashish uchun ikkita variant bor. “Al-Ahli” va “Al-Ittihod” unga ish taklif qilishga tayyor. Har ikki klub mutaxassisga yiliga 50 million yevro to‘lashi mumkin. Bunday maosh Mourinyoni taklifni qabul qilishga ko‘ndira oladi.
Hozirda Joze Italiyaning “Roma” klubi bosh murabbiyi lavozimini egallab turibdi. Mutaxassis va Rim klubi o‘rtasidagi amaldagi mehnat shartnomasi muddati kelasi yilning o‘rtalarigacha hisoblangan.
