Osiyo chempionlar ligasi 3-tur "Paxtakor" - "Ahal" jamolari o‘rtasidagi uchrashuv oldidan matbuot anjumani bo‘lib o‘tdi. Unda "Paxtakor" jamoasi himoyachisi Farrux Sayfiyev ham ishtirok etib, uchrashuv haqida to‘xtaldi.

"Jamoamiz bilan o‘yinga yaxshi tayyorlandik. Musobaqada birinchi g‘alabaga erishishni xohlaymiz. Hali guruhda barchada imkoniyat bor, bundan foydalanish uchun urinamiz. "Axal"ni o‘rgandik, yaxshi jamoa. Ertangi bellashuvda maqsadimiz g‘alaba qozonish va ishqibozlarimizga xursandchilik ulashish", deydi Farrux.

Eslatib o‘tamiz, uchrashuv ertaga "Bunyodkor" stadionida bo‘lib o‘tadi.