26 oktyabr – 1 noyabr kunlari Osiyo mintaqasida ayollar futboli bo‘yicha Parij-2024 Olimpiadasiga yo‘llanma beruvchi saralash musobaqasining ikkinchi bosqich bellashuvlari bo‘lib o‘tadi.
Toshkent shahri «C» guruhidan o‘rin olgan o‘yinlarga mezbonlik qiladi. Ayni paytda Midori Xonda boshchiligidagi O‘zbekiston ayollar terma jamoasi poytaxtimizda tayyorgarlikning so‘nggi qismini olib bormoqda.
Ma’lumot uchun, mazkur bosqichda har bir guruhdan (3 ta guruh) birinchi o‘rinni olgan jamoalar, shuningdek, uchala guruhda eng yaxshi natija qayd etgan 1 ta ikkinchi o‘rin sohibi hal qiluvchi davraga yo‘l oladi. Ilk ishtirokidayoq Xanchjou-2022 Osiyo o‘yinlarida yarim finalgacha yetib borgan qizlarimizning tayyorgarligi ushbu bahslarga qaratilgan. Jamoamizning taqvimi quyidagicha:
26 oktyabr: O‘zbekiston – Vetnam
29 oktyabr: O‘zbekiston – Yaponiya
1 noyabr: O‘zbekiston – Hindiston.