Aurelio De Laurentis A Seriyadagi yangi shartnomadan norozi.
Liga 2024 yildan 2029 yilgacha bo‘lgan o‘yinlarni translyasiya qilish huquqini DAZN va SKYga sotishga qaror qildi. Umumiy yig‘ilishda bu variant 17 ta ovozga ega bo‘ldi, ikkita klub qarshi chiqdi, yana bir klub betaraf qoldi.
Italiya chempionatini yoritayotgan telekanallar bilan tuzilgan shartnoma ligaga kamida 4,5 milliard yevro olib keladi.
«Napoli» prezidenti uchrashuv natijalaridan norozi bo‘lib, bu haqda matbuot anjumanida ma’lum qildi:
«Bu Italiya futboli uchun mag‘lubiyat. Bunday taklif bilan futbol o‘ladi. SKY va DAZN qobiliyatsiz va ular bilan ishlash Italiya futboli uchun yaxshi emas».