"Bavariya" bosh murabbiyi Tomas Tuxel yaqinda Isroil bilan harbiy mojaroda Falastinni qo‘llab-quvvatlagan himoyachi Nusseyr Mazraui bilan bog‘liq vaziyatga izoh berdi. Eslatib o‘tamiz, marokashlik futbolchi so‘nggi kunlarda yakka tartibda shug‘ullanib, guruh mashg‘ulotlarida qatnashmadi.
"Albatta, biz u bilan gaplashdik. Mazraui jazo sifatida yolg‘iz o‘zi mashq qilmagan. Bunga uning terma jamoadan jarohat olib qaytgani sabab bo‘lgan. Biz u bilan gaplashdik va klub bayonot berdi. Nusseyr jamoada "Bavariya" futbolchisi bo‘lib qoladi", - dedi Tuxel "Galatasaroy" bilan o‘yin oldidan matbuot anjumanida.