"Бавария" бош мураббийи Томас Тухель яқинда Исроил билан ҳарбий можарода Фаластинни қўллаб-қувватлаган ҳимоячи Нуссейр Мазрауи билан боғлиқ вазиятга изоҳ берди. Эслатиб ўтамиз, марокашлик футболчи сўнгги кунларда якка тартибда шуғулланиб, гуруҳ машғулотларида қатнашмади.

"Албатта, биз у билан гаплашдик. Мазрауи жазо сифатида ёлғиз ўзи машқ қилмаган. Бунга унинг терма жамоадан жароҳат олиб қайтгани сабаб бўлган. Биз у билан гаплашдик ва клуб баёнот берди. Нуссейр жамоада "Бавария" футболчиси бўлиб қолади", - деди Тухель "Галатасарой" билан ўйин олдидан матбуот анжуманида.